Wafrös alemannische Dialektik vom 10. August 2005

Hurra, mir Singemer hond en neie Oberbürgermeischter, abkürzt saged mir nu »OB«. Nei, er isch it vum Himmel keit und mer hond'en au it kaufe känne bim OBI oder bim ALDI. Mer hond'en richtig selber gmacht, mer kännt au sage in Eigenarbeit. Des isch vielleicht ä Murkserei, bis so ä Schtädtle wieder en neie OB hot, wenn de alt verdloffe isch, weil'er ebbes Bessers gfunde hot. Die Kandidate wäred nie vum Heilige Geischt präsentiert, derhaltet sich do raus. Nei, die Vorschläg kummed vu de Parteieoder vu däne wo saged, sie seied ko Partei, also vu de Parteilose. Etz wenn so en Kandidat parteilos isch, no giit's nadierlich wieder Parteie, wo gern den parteilose Kandidat als OB hetted. Denn sind die andere Parteie aber glei misstrauisch, weil se sich denn saged, also wenn selle Parteie den Parteilose wänd, no wänd mir den it und denn bilded sich äbe wieder verschiedene Parteie, wo den parteilose Kandidat it wänd, weil ihre Konkurrenzparteie fir den Parteilose sind. Des hört sich etz saumäßig kompliziert a, aber so ä OB-Wahl isch in Gottsname halt au kompliziert. Die ganz Wählerei intressiert aber it emol d'Hälfte vu de Singemer, weil grad emol 43,57 Prozent ge wähle gange sind. Die größer Hälfte bliibt dohom und denkt »l.m.a.A.«, wa intressiert uns en neie OB. Des sind die so genannte »Einwohner«. Die wohned, schlofed und schaffed do, aber sie läbed it mit uns. Die sind s'Gegeteil vu de eigentliche »Bürger«. Des sind selle, wo do, wo se wohned, schlofed und schaffed, au dohom sind. Dohom isch do, wo mer alle paar Meter ebber trifft, wo mer kennt, wo mer gern dohom isch, w's om it scheißegal isch, vu wem unser Schtädtle verwaltet und dirigiert wird. Desmol hond mir ä ganze handvoll Kandidate ghet, aber uf zwei hot sich's zuegschpitzt. Uf ä parteilose, ganz norml verhürotete Frau und Mamme vume Büeble und uf den, wo's Renne gmacht hot, de CDU-Bürgermeischter vu Mühlheim a de Donau, it weit vum Kloschter Beuron. Au der isch mitere ganz normale Frau verhürotet, wa mer etz grad ganz bsunders betone moss, obwohl des altmodische verhürotet sei nume so ganz i unsere moderne Ziit passt, wo doch sogar unsere brave CDU mit dere neie Aufgeschlossenheit liebäuglet, obwohl se etz i unserm Singe wieder mol Geschlosseheit domonstriert und ihren Oliver gwählt hot. Do sind die Schwarze alleiweil no eisern. Ehrlich gseit, i hett eigentlich gern selle Verena als OB ghet. Ä Frau und ä echte Mamme, also ko Leihmuetter, des wär noch mim Gschmack gsi, aber de Oliver hot 138 Schtimme meh ghetund etz isch der unsern neie OB und etz machemer mit dem, des isch Demokratie. Und alle Parteie zämme, mitsamt sellene, wo behaupted, sie wäred ko Partei, mit däne allene und mit unserm neie OB schaffe mer wieder dra, dass die Nichtwähler vielleicht au mol Singemer wäred.

Von Walter Fröhlich