Wafrös alemannische Dialektik vom 21. Juli 2010

Also ehrlich, xundbliebe isch garit eso eifach, i dät sages isch aschtrengend. I glaub it emol, dasses blos mit em Alter zämmehängt, do schpilled no andere Faktore mit. Uf omol hebts hinde und vorne, obe und unde. No moss om de Hausarzt vu om Dokter a de ander iberweise. S hot agfange mit em Fahr-gschtell, no hon i mösse zum Orthopäd. Nochdem mer it so recht gwisst hot, wägewarum etz des vu dere Wirbelsäule kumme kännt, hot der om i die Röhre gschickt, no bisch zum Radiolog. De sell hot welle sicher sei, dass im Kopf nint isch wani no nie behauptet hon, bin i zum Neurolog iberwiese wore. Damit der bi sinere Vermutung it denäbe liit, hon i zerscht mol mösse zum HNO, zum Hals-Nase-Ohre-Arzt. Der hot fescht-gschtellt, dasses mit mim Gehör nume so isch, wie's si sott und inzwische hot de Internischt, also min Hausarzt wisse welle, ob wäge dem bitzele Zucker it ebbes uf d Auge gschlage hot, also auf zum Augearzt. Zum Urolog bin i vunim selber, des woss jo jeder wäge wa, wo um die siebezge isch und on vu däne Dökter, wo mi zum andere gschickt hot, den hon i gfroget, ob er mi it zum Gynäkolog schicke mecht, no hett i so ziemlich alle durch. Damit me au woss, wenn mer zu wellem Dokter moss, tragt mer alle Termin sauber i de Terminkalender, aber do sott mer kon Fehler mache, weil om denn die Arzthelferine so mitleidig alueged, wobei des Luege au giftig sei ka und im schlimmschte Fall griegt me en neie Termin und ka wieder hom. Dohom hon i nomol alle Termin sauber iberprüft und feschtgschtellt, dass i vor drei Tag hett solle zum Zahnarzt und de neie telefonische Termin war denn i zwä Monet. Dapfer bin i am näkschte Tag wieder los und hon i de Rezepzion mei Kärtle vu de Krankekass uf de Tisch glegt, aber sie hond gmont, des dätse nix nitze, sie brüchted ä Iberweisung, oder i mößt 10 Euro zahle. Die hon i aber seho zahlt ghet und hon gsagt, i dät se morge bringe. Des dirft se it, hot se gmont, die beinah Frau Dokter, i soll zerscht die Iberweisung bringe, vorher kännt i it is Wartezimmer, no bin i wieder abgschobe. Bim näkschte Vorzimmer sind drei do gsi und one schäner als die ander. Do hon i au ko Iberweisung ghet, no hond se einschtimmig gehaucht, ob i it wisse dät, dass vor zwä Tag ä neu's Quartal agfange het? Zwä vu däne Praxisverzierunge hond mi kännt, des hot alls nix gnitzt, i hon wieder go mösse und i hon denkt, wenn die mi kenned, no wissed se sicher au, dass i selte ebber bscheiss, sie hetted doch käne sage, bringed se d Iberweisung morge. One vu dem Trio hot so richtig süfisant gflötet, »mached se halt ä kläs Schpaziergängle!« Nadierlich it uf alemannisch, sondern im schänschte Hochdeitsch. Und die Schänscht vu däne drei hot während se mit de Paziente gschwätzt hot, ihren Kaugummi bearbeitet, dass i denkt hon, wa moss des Mädle fir en Hunger hon. Des z'ruck zum Dokter, also zum Hausarzt, wo an andere End vu Singe sei Praxis hot, des isch garit eso eifach, wemmer mit em Auto underwegs isch. Etz wird mer sage, lauf du Simpel, aber wemer Schwierigkeite mit em Fahrgschtell hot, no fahrt mer halt, wemer ka. Die Sach mit em Parkplatz isch ä Thema fir sich, aber des intressiert die Praxishyäne doch it. Do giits aber kolossale Underschied. Do giits weibliche Wäsen, däne dät mer uf de Schtell en Heirotsantrag mache, wemer no sechzg Johr jünger wär. Noch some anschtrengende Morge kummsch hom und liegsch z'erscht mol wenig ab. No schelled s Delefon und melde duet sich das Gesundheitsprogramm der DAK. Blutdruck, Puls und Medikamente woss i auswendig. »Gehen sie auch mal an die frische Luft? Treffen sie sich auch mal mit einem Freund? Machen sie noch ab und an ein Schwätzchen? Trinken sie auch genügend? Mit letzschter Kraft hauch i denn no i de Hörer "Jojojo« denn sagt se, ist ihnen nicht gut, haben sie Schwindel? Jetzt lautet mei alemannische Antwort: »Mir isch beinah nume guet wäge dem ganze Schwindel!« Des hot se it verschtande, sagen sie das bitte nochmal und fremde Laute dringen an ihr Ohr, »Schiessebach isch au ä Schtadt«

Von Walter Fröhlich[

Autor:

Redaktion aus Singen

following

Sie möchten diesem Profil folgen?

Verpassen Sie nicht die neuesten Inhalte von diesem Profil: Melden Sie sich an, um neuen Inhalten von Profilen und Orten in Ihrem persönlichen Feed zu folgen.

Eine/r folgt diesem Profil

Kommentare

Kommentare sind deaktiviert.
add_content

Sie möchten selbst beitragen?

Melden Sie sich jetzt kostenlos an, um selbst mit eigenen Inhalten beizutragen.