Wafrös Alemannische Dialektik vom 23. April 2008

Wemmer behaupte dät, dass me sich iber jeden Bsuech gleich freie dät, des wär eifach verschtunke und verloge. S giit Bsuech, uf den freit mer sich scho wochelang und s giit Bsuech, do denkt me all Tag, wenn se nu scho wieder furt wäred, wenn's sich um mehrere handlet, oder dass der oder die nu scho wieder furt wär, wenn's um ä Einzelperson goht. De Durchschnittschrischt, oder au Normalmensch kunnt menkmol i die Situazion, wo er it nai sage ka, wenn sich en Bsuech ameldet. Er schreibt oder delefoniert denn dere Person oder dere Familie, wo ihren Bsuech akündigt hot, dass er sich mordsmässig freie dät, wenn er oder sie kumme däted, aber während er no schriibt oder delefoniert, denkt er i sim Kopf und mit sim Herz, o wenn se nu furtbliibe dät, die grusig Familie, der firchtige Onkel mit sinere gschuckte Frau und däne verwarloste Kinder. Reschtposchte vu Mitmenschlichkeit und archeologisch koschtbare Scherbe vunere chrischtliche Erziehung, bewirked aber, dass me dem Bsuech zueschtimmt, weil me no des Lied kennt "Im Leben geht alles vorüber".Bei Einzelpersone hot die freundliche Eiladung meischtens en ganz reale Hindergrund. Die Dante oder der alte Onkel intressiered om im Grund it fir fimf Pfennig, aber die Tatsach, dass die Dante z Karlsrueh no ä Grundschtück in beschter Geschäftslage hot, wa under de hütige Verhältnis sage mer mol 1,5 Millione Euro Wert isch, losst des Homweh noch dere Dante scho aschwelle, sodass mer sage oder schriebe ka, "Liebs Dantele, mir freied uns sehr, dass und bis Du kunnsch." Etz kunnt no dezue, dass de Onkel kone Kind hot, aber en Wohnblock z Düsseldorf und wenn er den uns vermache dät, no hettemer usgsorget. Drum gilt dem Onkele unsere ganze Liebe und drum soll und derf der au kumme.S giit au andere Bsüech, uf die mer sich freit und sottige, uf die mer sich it freit. und denn giits no Bsüech, uf die mer sich gleichzeitig freit und gleichzeitig it freit Wenn sich beischpielsweis en liebe, guete alte Freund mit sinere liebe Frau ameldet und mer woss, dass der ä Schlägle ghet hot und seither de Kopf nime funkzioiere will. Sie sind kumme, aber Sie isch gfahre. Er ka und derf nume Mer sind ge Esse gange und Er isch schweigend am Tisch gsässe. Er, wo gschprudlet und gschpritzt hot, vor Läbe.Er hot sich vum Läbe gewissermasse verabschiedet, war schtill war schtumm. Er war freundlich und hot manchmol en Satz gsagt, wo it so ganz her basst hot. Sie und i hond enand agschaut und Sie hot nu gmont, "des isch ersch de Afang, i woss, wa uf mich zuekunnt!" Do suechsch denn noch dim Sacktuech und schtellsch fescht, dass'es scho nass isch.D Natur mitsamt de Schöpfung isch menkmol grausam. Sie nimmt ko Rücksicht ufs Alter, s intressiert se it, ob on ufeme Büro schafft, i de Fabrik, oder bi de Müllabfuhr. Ob oner Professer fir Mathematik oder Philosof oder Mönch oder Politiker oder Bischof isch. Sie vernichtet dei Hirn und nimmt Dir dei Mensch-Sei. Vielleicht hängt aber unser Mensch-Sei vum Hirn garit ab, I wosses it, s wared nu mine Gedanke bi dem liebe Bsuech vu mim Freund.

Von Walter Fröhlich