Wafrös alemannische Dialektik vom 27. August 2008

Au wemmer, wie ich zum Beischpiel, en Schportmuffel isch, bitzelets om doch bi dere Olympiade i dem Peking und i verdwisch mi sogar bim lese vunere ganze Schportsiite i minere Zeitung, wo uf echt alemannisch eigentlich "Ziitig" heisst. S kunnt sogar soweit, dass au i unsereins richtige Emozione freigsetzt wäred, wo mer also echte Gfihler entwicklet, weil om des Schportgschäeh eifach nume kalt loot. S isch komisch, aber mine Gfihler gelted fascht alle de sogenannte Verlierer, also däne, wo kone Medaille kriegt hond, obwohl se sogenannte Faforite wared, vu däne mer erwartet hett, dass se Gold oder Silber, mindeschtens aber Bronze gwinned und it nint.
Die selle, wo nint hombrocht hond die tond mir richtig leid. Wa isch uf däne fir en
Erwartungsdruck gsi, des ka me sich garit vorschtelle. Erwartungsdruck heisst, dass alle, vum Verein bis zu de Träner selbschtverschtändlich "erwartet" hond, dass Der oder Die ä Medaille hombringed. Etz wie isches om z'Muet, wo genau woss, dass er gwinne moss? Anschtatt dass mer als Athlet oder Schportler sich saumässig freit, dass mer debei si derf, wenn die Beschte vu de ganze Welt sich im Wettkampf messed, hosch du als Schport-Ass die Lascht ufem Buckel, dass du gwinne mosch, suscht bisch du ä Enttäuschung und me goht doch it uf d'Olympiade, dass me als Enttäuschung wieder hom kummt.
Etz rechnet aber so en Tschämpien selte demit, dass er ko Maschine und scho garit Gott isch, sondern nu en Mensch, it emol en Ibermensch. Und en Mensch ka vu hüt uf morn en winzige Defekt im Organismus oder au nu i de Psyche hon, wo se früener Seele dezue gset hond. So ä Seele isch ä saumässig empfindlichs Lueder, obwohl vill Lüt moned, dass de Mensch gar ko Seele hett Dem Rueder-Achter hots doch it a Kraft gfählt, uf de letzschte Schtrecke, oder dem Turner am Reck isch doch it sei Pech bassiert, weil er ä Flasche isch und die Schwimmerine hond doch gäe, wa se känne hond, aber andere wared schneller. S isch hochintressant, dass vill Athlete en psychologische Betreuer oder ä Betreuerin hond. I kännt me dotlache, wenn i mir iberleg, dass de Mensch fir Höchschtleischtunge ebber brucht wo sei Seel, also sei Psyche uf Vordermann haltet, aber s'isch scheints so. Des sogenannte Versage vu däne Schpitzeschportler isch ko Muskelschwäche, des isch ebbes anders. Mer ka au it sage, sie hond ko Glick ghet. Glick ghört au dezue, aber s'isch it alls. Ebbes hot halt gfählt und drum hond mine Emozione däne golte, wo brieket hond, wo se i d Kabine gloffe sind.
Denn war do der Usain Bolt us Jamaika. Des war oder isch on, vume andere Schtern, En Usserirdische, en Ibermensch. Wo der sine hundert Meter i 9,69 Sekunde gloffe isch, do hot der no Schpässle gmacht und uf de letzschte Meter sogar no s Tempo drosslet. Die Zueschauer im Vogelnescht, wie des olympische Schtadion heisst, hond tue, wie wenn se bsoffe gsi wäred, wie wenn en Engel vum Himmel kumme wär. Des hot die Schportwelt no nie erläbt. Nu die Funkzionär und die Fachwelt hots it so rich-tig glaube känne und sie hond den Verdacht, dass des it mit räete Ding zuegange isch, dass der Usain dopt gsi sei. It wie se normal dopt sind, wemer se verdwischt, sondern uf die neie Doping-Art, wo me nint meh nochweise ka. Etz simer wieder mol soweit. Entweder mer glaubed an en Usserirdische, oder a on, wo bschisse hot, aber mer ka em nix nochweise, weil die neu Wisseschaft hüt so wisseschaftlich isch, dass mer bscheisse ka, ohne dass mer's merkt. Do bin i grad wieder froh, dass mine Emozione nu sellene gelted, wo brieked, weil'ene de Sieg verreckt isch!

Von Walter Fröhlich

Autor:

Redaktion aus Singen

following

Sie möchten diesem Profil folgen?

Verpassen Sie nicht die neuesten Inhalte von diesem Profil: Melden Sie sich an, um neuen Inhalten von Profilen und Orten in Ihrem persönlichen Feed zu folgen.

2 folgen diesem Profil

Kommentare

Kommentare sind deaktiviert.
add_content

Sie möchten selbst beitragen?

Melden Sie sich jetzt kostenlos an, um selbst mit eigenen Inhalten beizutragen.