Wafrös Alemannische Dialektik vom 31. Juli 2008

Heit hett i beinah ko Dialektik schreibe känne, denn am Sunntig bin i mit mim Auto am Bahnhof vor'ere Ampel gschtande und hon druf gwartet, dass endlichGrün kummt, aber Grün isch it kumme. I war inere guete Gmüetsverfassung und hon halt gwartet. I dät heit no dert schtande, wenn it ä nette Frau rechts näb mi anegfahre wär und mir gruefe hett, "Die Ampel isch abgschaltet!" No hon i min Motor wieder eigschaltet und bin zuegfahre.So en Sunntig isch ä komische Sach. Scho als Kind hon i de Sunntig it so möge, weil i gwisst hon, morge moss i wieder i d Schuel und i d Schuel bin i zeiteweis iberhaupt it gern gange. De schänscht Tag i de Woch war fir mi all de Samschtig weil i gwisst hon, morge isch Sunntig, do mosch it i d Schuel. Mit de Johre isches it selle besser wore, obwohl doch de Sunntig de "Tag des Herrn" gsi isch, de "Herretag"also der Tag, a dem die Chrischteheir de Auferschtehung gedenkt Etz froged emol hüt die jüngere Semeschter ob se no wissed wa de Tag des Herrn isch und warum und wieso des de Herretag isch. Ha do dätsch Antworte kriege, mon. Mir isch de Herretag so richtig bewusst wore, woni mit siebzehne am Pfingschtsunntig im Arbeitsdienscht in Pole hon Schtei klopfe mösse. Ausgrechnet direkt näbe dem Schtädtle Wadowice, wo de Johannes Paul II. gebore und ufgwachse isch. Aber des war im Hl. Geischt wurscht, mir hond Schtei klopft"I känn viel Lüt, wo mi als froged, "isch dir's am Sunntig au all so schwer?"Do sind Gläubige drunder, aber au andere. De Sunntig hot fir vill ebbes schwermüetigs. De Sunntig isch it nu de Tag des Herrn, er isch au der Tag, a dem sich vill Junge, aber au Alte s Läbe nähmed. Mer sott doch denke, dass grad de Sunntig en Tag der Freude isch. Des ischer au fir vill, aber it fir alle!. Vor allem it fir selle, wo einsam sind. Am Sunntig vermisst mer die, wo hond scho gange mösse, am allermeischte. Und die Flucht is Läbe wird nix, weil s Läbe am Sunntig it eso pulsiert, wie am Wärtig.Wa macht ä Frau, wenn se elei isch? Nadierlich hot se Bekannte und Freund, aber die hond ihre Famlie und wenn du elei bisch, no bisch elei und elei sei isch troschtlos! Mer will  doch sine liebe Bekannte it dauernd uf de Pelle hocke und uf de Wecker goh Do honds d Maane wieder weng besser Die känned wenigschtens a de Schtammtisch, wo se no sottige treffed, wo au elei sind, oder elei sei wänd, weil se's dohom it ushalted, oder d Mamme froh isch, wenn der Kerle Türe vu usse zuemacht. Aber nomol: Elei sei am Sunntig isch it schä, ka grusig si Etz wäred wieder ä paar sage, en gläubige Mensch sei doch nie elei, bsunders it am Herretag, bsunders it am Tag des Herrn. Die hond iberhaupt ko Ahnung, wie schweigsam der Herr sei ka. Mer isch uf alle Fäll. wieder froh, wenn s Läbe wieder um om rum wuslet, au wenn'sau oft nix anders isch, als die Laschtwäge, wo uf de Schtross vorbeidunnered. Im Supermarkt trifft me denn wieder de sell und die sell. Denn ka's om bassiere, dass se om froged, "sag emol, isch dir's am Sunntig au all eso schwer?" Denn hot mer z' mol ewäng so s'Gfihl, mer isch eigentlich  garnie so ganz elei, weil's nämlich vill vill um om rum giit, däne wo's genauso goht, wie dir. Blos sind die halt nie do wemmer se bruche dät, wemmer se nötig hett, aber des wird vorerscht  all Sunntig so bliebe

Von Walter Fröhlich

Autor:

Redaktion aus Singen

following

Sie möchten diesem Profil folgen?

Verpassen Sie nicht die neuesten Inhalte von diesem Profil: Melden Sie sich an, um neuen Inhalten von Profilen und Orten in Ihrem persönlichen Feed zu folgen.

2 folgen diesem Profil

Kommentare

Kommentare sind deaktiviert.
add_content

Sie möchten selbst beitragen?

Melden Sie sich jetzt kostenlos an, um selbst mit eigenen Inhalten beizutragen.